“ನಮ್ಮೆಲ್ಲರ ಜೊತೆಗೂ ನಮ್ಮವರು ಅನ್ನಬಹುದಾದ ಯಾರಾದರೊಬ್ಬರು ಇದ್ದೇ ಇರುತ್ತಾರೆ. ಹಾಗೆ ಯಾರೂ ಇಲ್ಲದವರ ಪಾಲಿಗೆ ‘ಶಕ್ತಿಧಾಮ’ ಇರುತ್ತದೆ.” ಈ ಭರವಸೆಯ ಕಂದೀಲು ಹಿಡಿದು, ಶಕ್ತಿಧಾಮ ಸುಮಾರು 25 ವರ್ಷಗಳಿಗೂ ಹಿಂದಿನಿಂದ ನಡೆಯುತ್ತ ಬಂದಿದೆ. ಸಣ್ಣ ಸಂಖ್ಯೆಯ ಸೌಲಭ್ಯವಂಚಿತರಿಗೆ ಆಶ್ರಯ ನೀಡುವುದರೊಂದಿಗೆ ಆರಂಭಗೊಂಡ ಶಕ್ತಿಧಾಮ; 4,000ಕ್ಕೂ ಹೆಚ್ಚು ಹೆಣ್ಣುಮಕ್ಕಳಿಗೆ ನೆಲೆ ಒದಗಿಸಿದ, ಅವರ ಕನಸುಗಳನ್ನು ಪೋಷಿಸಿದ, ಅವರ ಸಾಧನೆಗೆ ಸಹಕಾರ ನೀಡಿದ ಸಾರ್ಥಕ ಭಾವ ಅನುಭವಿಸುತ್ತಿದೆ. "

ಪ್ರಸ್ತುತ ನಮ್ಮ ಸಂಸ್ಥೆಯ ವತಿಯಿಂದ ಆಶ್ರಮ ಶಾಲೆ ಆರಂಭವಾಗುತ್ತಿದ್ದು; ನಮ್ಮ ಮಕ್ಕಳು ಒಂದೇ ಸೂರಿನಡಿಯಲ್ಲಿ ಕಲಿಕೆ ನಡೆಸಲಿದ್ದಾರೆ. ಅಡುಗೆ ಸೌಲಭ್ಯ, ಕಂಪ್ಯೂಟರ್ ತರಬೇತಿ, ಹೊಲಿಗೆ ತರಬೇತಿ, ಜೇನು ಸಂಗ್ರಹಣೆ, ಯೋಗ ತರಬೇತಿಯೇ ಮೊದಲಾದ ಭವಿಷ್ಯದ ಬದುಕಿಗೆ ಅಡಿಪಾಯವಾಗಬಲ್ಲ ವಿಷಯಗಳನ್ನು ಮಕ್ಕಳು ಅಭ್ಯಾಸ ಮಾಡಲಿದ್ದಾರೆ.